Даавран өөдлүлх неквр тәвҗәнә

14-03-2024, 13:25 | Общество

Давсн долан хонгин мигмр өдрлә Элстин һурвн сурһулин ул деер хотл балһсна кесг бүрдәцин арвтнр ЕГЭ-н шүүвр өгч сөрҗ үзв. Тиим Цугәрәсән дамшллһна керг-үүлдвр эн өдр бүрдәгдв. Йоста шүүврт мет, кергтә цуг даалһвр болн нань чигн цаасд Интернетәр, дамҗад илгәгдв, шүүврин бәрмт цаас цокҗ авад барлв.

Эн шүүврт кесг сурһулин 11-ч классин 348 элч орлцв. ЕГЭ-н һурвн кичәләр эдн сөрҗ үзв – тер тоод биологийәр, зәңгллһәр болн англь келәр (бичмрин болн амн үгин әңгүд) мөн.
ЕГЭ-н шүүврин йовудт күцәдг бүрдәмҗин болн технологин керг-үүлдврлә сурһульчнриг таньдулхин төлә тиим сөрҗ үзлһнә шүүвр кегднә. Тегәд урдаснь заагдсн сурһулин герт - ЕГЭ бүрдәлһнә бәәрнд цуг эн дамшллһна үүлдвр күцәгднә. Тиим кевәр 11-ч классин сурһульчнр урдаснь цугинь сәәнәр медҗ авна, йоста шүүврин кемд болхла керг уга юмнд цаган үрәшго, ЕГЭ-н даалһвриг күцәхин төлә немр цаг хоршана.
ЕГЭ-н сөрҗ хәләҗәдг болн дамшулҗадг шүүврин йовудт тер шишлң пунктсин 192 көдләч орлцулгдв, тер тоод эдн ГЭК-ин гешүд, ППЭ-н һардачнр, техникин мергҗлтнр, аудиторьт бәәх бүрдәһәчнр болҗ үүлдв. Дамшллһна керг-үүлдврин ашнь, сурһульчнр ямаран балл авснь моһа сарин 20-нә хөөн дигтәһәр медгдх. Түүнә хөөн багшнр болн сурһульчнр белдврин ЕГЭ-н далһвриг шинҗлҗ йоста шүүврт белдҗ чадх.
(полную версию статьи можно посмотреть в бумажной версии выпуска № 25 (19007) 14 марта 2024 года, ЧЕТВЕРГ)

ҖААХАН Бадм

Видео