Арвн җилдән мана иргнмүдлә хамдан

16-03-2024, 10:10 | Общество

2014 җилд Крым Республик болн Севастополь балһсн Әрәсән ханьд орад, эн җил дигтә арвн җил болв. Моһа сарин 18 – Әрәсән тууҗд шин йовдлар ончрсн өдр болв. Арвн җил хооран эн өдр Крым Республикин болн Севастополь балһсна иргнмүд дууһан өгәд Әрәсән ханьд орхар шиидв. Эн җилмүдин туршарт Крым болн Севастополь шишлң көтлврмүдин йовудт делгрәд йовна, гиҗ темдглх кергтә.

Арвн җил нег агчм мет давсн болҗ медгднә. Эн цагин эргцд шин регионмудт чинртә хүврлтс болв. Әрәсән ханьд орснас авн тенд экономик өргнәр делгрв, талдан кесг социальн халхс бас ясрв. Тер мет олн-әмтиг негдүлҗәдг Крымск тагт, «Таврида» хаалһ, шин аэропорт тосхгдв. Терүнәс нань дунд сурһульмудт, бичкдүдин садмудт бат ясвр күцәгдҗ, тер һазра дорас өсч йовх үйнр сән кец-таалта бүрдәцст сурдг болв. Эрүл-менд харлһна, сойлын, зуульчллһна болн нань чигн халхсар хүврлтс күцәгдсинь ил үзҗ болна.

2014 җилин моһа сарин 16-д Крымин бәәрн улс дууһан өгәд, теднәс 96 һар процентнь Әрәсән ханьд орх седклән медүлв. Моһа сарин 18-д болхла мана орн-нутгин Президент Владимир Путин Крым Республикиг болн Севастополь балһсиг Әрәсән ханьд орҗасна туст шишлң бәрмт цаас батлв. Эн йовдл тууҗлгч чинртә болв.

(полную версию статьи можно посмотреть в бумажной версии выпуска № 26 (19008) 16 марта 2024 года, СУББОТА)

КАРСАНА Евгения

Видео