Музейин көдләчнр сурһульчнрла харһв

16-03-2024, 10:55 | Общество

Н.Н. Пальмовин нертә Келн-улсин музейд Цаһан Сард болн Масленица байрт нерәдсн керг-үүлдврмүд болҗана. Хаврин байрин өдрмүдт нерәдсн иим керг бүрдәлһн музейд сән авъяст тохрв.

Цаһан Сарин байрт нерәдсн керг-үүлдврмүд күцәгдснә дару музейд моһа сарин 5-ас авн Масленица орс улсин байрт нерәдсн олн үүлдврт сурһульчнриг тосч авчана. «Масленичные посиделки» гиҗ нерәдгдсн олн харһлтд сурһульчнр орлцҗана. Музейд ирсн сурһульчнрт эн байрин тууҗин тускар келҗ өгнә. Сергмҗтә олн марһанд орлцад, күүкд-көвүд медҗ авсан, яһҗ тодлҗ авсан үзүлнә. Эн байрин туск тәәлвртә туульс меддгинь чигн энд йилһгднә. Музейд секгдсн һәәхүлд сурһульчнр эс меддго тоотан медҗ авч, улсин байр ямаран ут тууҗтаһинь медҗ авна.

Кезәнәс авн орс улсин бәәцд олзлгдҗ йовсн өлг-эдиг үзәд, өркбүләрн самоварин өөр цә яһҗ уудг бәәснә тускар һәәхүлд сурһульчнр үзнә. Эн байрт олзлдг нань чигн тоотла таньлдх таал музейин көдләчнр бичкн хәләһәчнртән белдсмн. Масленицин туск мультфильмиг чигн күүкд-көвүд таасч хәләв.

ҖИРҺЛИН Кермн

Видео