Сурһмҗлачнр болн эк-эцкнр шин медрл хоршав

19-03-2024, 14:45 | Общество

Одахн Ставрополин крайин Пятигорск балһснд «Машук» гидг нертә медрлин төвд Цугәрәсән семинар-селвлцән болв. Орн-нутгин иргнмүдт төрскнч сурһмҗ өглһнә федеральн төсвиг бәәдл-җирһлд тохралһна төрәр мергҗлтнр селвлцв. Семинар ик чинр зүүҗәнә, нег үлү өдгә цагт деед үзгин орн-нутгудын Әрәсән туст зүүҗәх хәләц болн политик сольгдснас иштә төрскнч сурһмҗд бидн улм ик оньган өгх зөвтәвидн гиҗ келсн үгдән РФ-н гегән –герлин министерствин департаментин һардач Наталья Наумова темдглв.

Хальмг Таңһчин элчнр эн керг-үүлдврт бас орлцв. Тер тоод «Навигаторы детства» төсвин таңһчин зүүцүләч Екатерина Саранкаева болн Элстин зүүцүләч Евгения Наминова семинарт дамшлтарн хувалцҗ шин медрл хоршав.

«Тиим керг-үүлдвр ик урмд өгнә, сурһмҗин туск төсвиг яһҗ күцәхин тускар орлцачнр тоолврарн хувалцҗ шин эв-арһ заана. Энд бидн хоорндан сәәнәр таньлдҗ мана орн-нутгт сурһуль-эрдмиг болн сурһмҗин эв-арһиг делгрүллһнә һол зөрүллтсиг йилһҗ авлавидн. Ода сурһмҗин хамгин сән дамшлтыг бәәдл-җирһлд тохрахар белн бәәнәвидн, орн-нугт тогтсн хамцу тиим командла бидн эрк биш күцәмҗд күрхвидн», - гиҗ тоолврарн «Навигаторы детства» Цугәрәсән төсвин таңһчин зүүцүләч Екатерина Саранкаева тоолвран келв.

(полную версию статьи можно посмотреть в бумажной версии выпуска № 27 (19009) 19 марта 2024 года, ВТОРНИК)

ТҮРВӘН Һуна

Видео