Орн-нутгин делгрлтин төлә дууһан өгв

19-03-2024, 14:10 | Общество

Әрәсән Президентин суңһвр һурвн өдртән болв. Эн өдрмүдин эргцд таңһчин суңһврин әңгүд дигтә-даратаһар үүлдҗ, дууһан өгхәр ирсн улсиг тосв. Таңһчин әмтн суңһврт шунмһаһар орлцҗ, дааврта керг-үүлдвр мана орн-нутгин иргчин төлә ик чинртә болҗахиг темдглв. Кесгнь өрк-бүләрн ирснь, зәрмснь келн-улсин хувц өмсҗ кеерснь үзмҗтә болв. Түрүн болҗ суңһврт орлцаҗх баһчудыг болн Төрскән харсгч Алдр дәәнә ветернамудыг суңһврин әңгүдт байртаһар тосч, эн өдр тодлулхин төлә белг бәрүлҗ өггдснь бас темдгтә болв.

Әрәсән Федерацин гешүн Байир Путеев моһа сарин 15-д өрүһәр Элст балһсна 4-ч тойгта дунд сурһулин улд үүлддг 27-ч суңһврин әңгд дууһан өгв. Байир Эдуардовичин келсәр, Әрәсән Президентин суңһвр мана орн-нутгин төлә эркн чинртә йовдл мөн. «Бидн мана орн-нутгин Президентиг суңһҗ авчанавидн. Эн суңһвр мана бәәтхә, цуг нарт делкән иргч ямаран болхиг диглҗәнә. Эндр амр биш бәәдл тогтсн бийнь бидн ицлтәһәр болн зөрмг кевәр уралан зөрҗ йовнавидн. Күн болһн дууһан өгх зөвтә, юңгад гихлә эндр амр биш цаг. Бидн хамдан ниитә бәәхлә, ямаран чигн төриг хаһлҗ чадхвидн»,- гиҗ Байир Путеев темдглв.

Хальмг Таңһчин Улсин Хуралын (Парламентин) Ахлач Артем Михайлов төрскн Первомайский селәндән дууһан өгв. Артем Васильевич авальтаһан, хойр көвүнтәһән болн күүктәһән ирв. «Эврәннь дууһан би мана орн-нутгин, төрскн селәнә, күүкдиннь иргчин төлә өгчәнәв. Мана орн-нутгин иргн болһн даавран медүлҗ, суңһврт орлцх зөвтә гиҗ тоолҗанав. Энтн чик шиидвр авхд туслх», - гиҗ Артем Михайлов келв.

(полную версию статьи можно посмотреть в бумажной версии выпуска № 27 (19009) 19 марта 2024 года, ВТОРНИК)

ДООҖАН Наталья

Видео