Хальмг Таңһчд сән хүврлт учртха!

19-03-2024, 14:15 | Общество

Урдаснь келсәр, Әрәсән Президентин суңһвр һурвн өдртән болхмн гиҗ зәңглгдв. Түрүн өдрлә цуг таңһчар 36, 6 һар процент әмтн дууһан өгв, гиҗ Хальмг Таңһчин Суңһврин комиссь зәңглсн билә. Талдан регионмудар бас тиим бәәдл тогтв. Тер мет мана таңһчд суңһврин йовудыг олна бүртклһнә штабд өрүн эртәс участкуд секгдснәс авн шинҗлв.

Мана Олна палатын штаб давсн җилин һаха сард бүрдәгдлә, тиигхд таңһчин Улсин Хуралд (Парламентд) депутатнриг суңһҗалавидн.Тегәд маднд шинәс штаб тогтах керг уга билә. Таңһчар цуг участкудын комиссьмүд 8 часла цаглань секгдлә. Энд олна бүрдәцсин элчнр Олна палатын гешүдлә болн шинҗләчнрлә хамдан суңһврин йовудыг шинҗлв, зәрм бүрдәцслә хамцу шинҗллт келһнә тускар бидн урдаснь бооца батллавидн, – гиҗ таңһчин Олна палатын һардач Мучан Батыр келв.

Эн Элстин техническ лицейд бәәсн 28-ч тойгта участкд одад дууһан өгв. «Цугтан бидн дууһан өгәд мана таңһчин болн Әрәсән сән иргчин төлә тәвцән орулвидн, тер мет эн участкинһардачин келсәр, әмтнә шунлт цаг ирвәс өөдләд йовна», – гиҗ Батыр Иванович темдглв.

(полную версию статьи можно посмотреть в бумажной версии выпуска № 27 (19009) 19 марта 2024 года, ВТОРНИК)

ТҮРВӘН Һуна

Видео