Ик хургт орлцв

21-03-2024, 14:05 | Общество

Шидр Хальмг Таңһчин Толһач Хаска Бату Әрәсән Президентин суңһврин ашар Андрей Турчакин һардврт болсн «Негдсн Әрәсә» партин ик хургт орлцв.

«Шин сурһуль», газар тетклһнә көтлвр болн талдан төсвс мана таңһчд сән йовудтаһар күцәгдҗәнә. Сүл хойр җилин туршарт 16 миңһн сурһульчин төлә сән таал тогтагдв болн 1300 эзнд гер күртлнь газ татгдв.

– «Негдсн Әрәсә» партин региональн әңг күцәмҗтәһәр көдлҗәнә, гиҗ келх кергтә, энүнә ханьд 91 миңһн шаху гешүн орна, эднәс 95 процент орн-нутгин Президентин суңһврт орлцв. Бүрдәгдсн Олна дөңнлһнә штабд болхла баһчуд даңгин цуглрҗ, бачм төрмүдән хаһлна. Тенд миңһн шаху керг-үүлдвр давулгдв, – гиҗ Бату Сергеевич темдглв.

Тер мет Хаска Бату Андрей Анатольевичәс «Единый сетевой стандарт» төсвин йовудыг икдүлхәр сурв, тер юңгад гихлә нег һазра мана улс шунмһаһар орлцҗ, төсвсән харсҗ сәәнәр күцәнә.
Мана көдлмшиг үнлснд Андрей Турчакд болн Александр Сидякинд ханлтан өргҗәнәв, гиҗ Бату Сергеевич товчлв.

ОЛЬДАН Цаһан

Видео