Әмтнә эрлһс хәләв

21-03-2024, 14:30 | Общество

Батлгдсн диг-дарала ирлцтәһәр таңһчин Улсин Хуралын Ахлач, парламентд «Негдсн Әрәсә» партин әңгин һардач Артем Михайлов суңһачнрла харһҗ, тедниг үүмүлҗәх төрмүдәр соньмсна.

Олна дөңнлтин штабд болсн харһлтд орлцсн улс онц болн олн әмтиг соньмсулҗах төрмүд босхв. Тиигәд, Элстд бәәдг медәт Б.Городовиковин нертә Хальмг ик сурһулин улд органическ эдл-ууш эд-бод келһнә зура белдлһнә болн терүг хөөннь таңһчин Улсин Хуралд батллһна төр босхв. Эн төриг КалмГУ-н болн таңһчин селәнә эдл-ахун министерствин мергҗлтнрлә хамдан хәләһәд, шиидвр авх кергтә гиҗ эдн күүндврин ашар үгцв.

Депутатла харһхар ирсн улс гемтә-шалтгта күүг шишлң тергәр болн эмәр тетклһнә төр хаһлхд дөң болхиг сурв. Эн төрәр депутат сүв-селвгән өгч, Элст балһсна болн таңһчин социальн делгрлтин министерствин һардврт бичг йовулх болв.

Харһлт туста болв. Харм төрхд, зәрм төрмүдиг дарунь хаһлҗ болхш. Болв иргнмүд босхсн төрмүдиг шаңһа йосна элчнрлә хамдан терүг хаһлх арһ хәәнәвидн. Әмтн босхсн төрмүдиг бидн бүртклһнд авад, күн болһнд дөң болхвидн. Депутатнр күцәгч йосна элчнрлә хамдан үүлдҗ иргнмүдин эрлһст заагдсн төрмүдиг хаһлҗ тооцаһан өгх зөвтә, - гиҗ Артем Михайлов темдглв.

БАТАН Наталья

Видео