Бачм төрәр күүндв

28-03-2024, 10:00 | Общество

Хальмг Таңһчин Толһач Хаска Бату терроризмиг уга келһнә комиссин шишлң штабла селвлцә давулв. Харһлтын эклцәр сүүрт орлцачнр агчмин зуур тагчг зогсад, Москвад болсн әәмшгтә йовдлд әмнәсн хаһцсн улсин санлынь тевчв.

– Орн-нутгт тогтсн бәәдләс иштә мана таңһчд социальн болн әмтн олар хурдг объектс онц бүртклһнд бәәнә. Нег һазра улсин төлә әәмшг уга бәәдл тогтахар шунҗанавидн, – гиҗ Бату Сергеевич темдглв.

Сүл өдрмүдт, нурһлҗдан арвтнрин ниигмин сүлҗәнд таньдго улсас әәмшгтә зәңгс ирдг болв. Тенд Москва балһснд болсн йовдлын әдләр мөңгнә төлә зеткр учрахд даалһвр өггдҗәнә. Энүнәс иштә Хаска Бату эн төриг онц оньгтан авхиг ирлцңгү бүрдәцст даалһв болн шишлң баг тогтагдхмн гиҗ зәңглв.

ОЛЬДАН Цаһан

Видео