Селәнә сойлын көдләчнрин төлә

28-03-2024, 10:05 | Общество

Шидр Хальмг Таңһчин Толһач Хаска Батун тогтаврар селәнә сойлын көдләчнрт мөрн сарин 1-әс авн сар болһн коммунальн туслмҗд 1400 арслң һарһгдхмн.

Тодлхас, 2023 җилин һаха сарас авн таңһчин сойлын болн зуульчллһна министерствин медлд бәәдг бүрдәцсин көдләчнрт җалв деернь 7 миңһн арслң немгдсн билә.
Эндр мана таңһчд театрмуд, дегтрин саңгуд, селәнә сойлын гермүд ясгдад шинрүлгдҗәнә, Элстд болхла сойл делгрүллһнә бәәшң тосхгдҗана. Сойлын көдләчнр кезә чигн, ямр чигн таалд олн-әмтиг билг-эрдмәрн байрлулҗ йовна. Темдглхәс, өдгә амр биш цагт цергә шишлң керг-үүлдврин йовудт сулдхсн һазрт бас йовҗ, цергчнриг дөңнҗәнә.
– Өвкнрин үлдәсн байн сойлын зөөриг хадһлад болн олн дунд тархаҗ йовдг улст ик ханлтан өргҗәнәв, – гиҗ Бату Сергеевич товчлв.

ОЛЬДАН Цаһан

Видео