Гүлгн гем гетлҗ

28-03-2024, 10:30 | Общество

Шидр Әрәсән Орн-нутгин Хүүвин эрүл-менд харлһна комитетин седвәрәр Әәдрхн балһснд «Гүлгн гемәс хөрлһн» гидг төсвин керг-үүлдврмүдин чинр өөдлүллһнә төрәр селвлцән болв. Селвлцәг Әрәсән Орн-нутгин Хүүвин эрүл-менд харлһна комитетин ахлач Башанкан Бадм һардҗ давулв. Селвлцәнд энүнә дарук Леонид Огуль болн Блохинан нертә гүлгн гемәс хөрлһнә Келн-улсин медицинск төвин һардачин дарук Тигран Геворкян орлцв.

Чинртә төрәр болсн керг-үүлдврт Әрәсән Өмн үзгин регионмудт 2019 җиләс авн гүлгн гемәс хөрлһнә керг-үүлдврмүдин аш диглгдҗ, әәмшгтә гемиг эртәснь илдкҗ авлһна туст олзлгдх шин эв-арһсин тускар келгдв. Хальмг Таңһчин эрүл-менд харлһна министр Саран Булат һардсн делегацин ханьд гүлгн гемәс хөрлһнә Э.Тимошкаеван нертә таңһчин диспансерин ах эмч Муутла Земфира, медицинск зәңгллһнә-ашлврин төвин һардач Очра Дольган, ТФОМС-ин һардач Ванькан Гилән орлцв.

Муутла Земфира мана таңһчд шаңһа төсвин медлд күцәгдҗәдг керг-үүлдврмүдин тускар зәңглв. Мана таңһчд гүлгн гемәс иштә хорсн улсин то баһрҗахш. Тогтсн бәәдлиг ясрулҗ гүлгн гемәр гемтсн улсин то баһрулхд шин зөрүллтс олзлҗ үүлдх кергтә гиҗ темдглгдв.

БАТАН Наталья
ЗУРГТ: Әәдрхнд болсн селвлцәнд орлцачнр

Видео