Малын эмчин чинринь өөдлүлҗ

30-03-2024, 09:00 | Общество

Б.Б.Городовиковин нертә Хальмг ик сурһульд малын эмчнрин Әрәсән бүрдәцин гешүд ирв. Эдниг Әрәсән ачта эмч Сергей Середа һардҗ ирсн болв.

Түрүн өдртән күндтә гиичнр Элстин бумблвс һәәхҗ, бәәрн улсла таньлдҗ күүндв. Сергей Владимировичин келсәр, Москваһас Аһш балһснд самолетар нисч ирәд, тендәс гиигн машиһәр Элст күртл йовв. Хаалһин туршарт үзгдсн у-өргн тег энүг йосндан өврүлв. Элстд күрч ирхләнь цаһан седклтә, тевчңгү улс эдниг тосч авв.

Хамгин түрүнд ик дамшлтта малын эмчнр хальмг вузин аграрн дацңгин үүлдврлә таньлдҗ, «Ветеринария» әңгд сурчадг оютнрла харһҗ күүндв. Тер өдрт Хальмг ик сурһулин һардач Салан Бадм гиичнриг тосч, таңһчин вузин тууҗла, энд хаһлгдҗадг төрмүдлә, күцәгдҗәдг чинртә төсвслә таньлдулв.

(полную версию статьи можно посмотреть в бумажной версии выпуска № 32 (19014) 30 марта 2024 года, суббота)

КАРСАНА Евгения

Видео