Мана седкүлч өөдән чинртә медаляр ачлгдв

02-04-2024, 10:00 | Общество

Шидр Хальмг Таңһчин сойлын болн зуульчллһна министерствин дарани хургин сүүр болв. Таңһчин Залврин Ахлачин негдгч дарук Цернә Эрднь, сойлын болн зуульчллһна министр Түрбән Саглр, таңһчин сойлын бүрдәцсин һардачнр болн көдләчнр сүүрт орлцв.

Хамгин түрүнд Түрбән Саглр ниднәк көдлмшин ашинь диглҗ, эн җил күцәх зуран тускар келв.
Энүнә үгәр, нидн таңһчин сойлын көдләчнр ик күцәмҗ бәрсмн. Тер мет сойлын кесг нертә коллективс ончта өөнән темдглв. Тедн дунд Хальмгин симфоническ болн Келн-улсин хойр оркестр мөн. Терүнәс нань таңһчин театрмудт соньн шин наадд тәвгдҗ, хәләһәчнрин седкл авлв. Райодын сойлын бүрдәцст болхла «Сойл» келн-улсин төсвин йовудт кесг хүврлтс учрв. Баһ Дөрвд селәнд билг-эрдмин сурһульд, Октябрьск района Цаһан Нуура болн Целинн района Аршан Булгин сойлын Гермүдт бат ясвр күцәгдв. Сарпан района Садовое селәнд өдгә цагин некврлә ирлцдг дегтрин саң секгдв. Лаганя районд үүлддг Н.Н.Пальмовин нертә Келн-улсин музейин әңгд немр шин хора тосхгдв. Тер мет Баһ Дөрвдә болн Яшалтан райодын хол селәдин төлә хойр автоклуб йилһгдв. Элст балһснд болхла, сойл делгрүллһнә Төв тосхгдҗана.

(полную версию статьи можно посмотреть в бумажной версии выпуска № 33 (19015) 2 апреля 2024 года, вторник)

КАРСАНА Евгения

Видео