Тууҗин зөөрән хадһлхин төлә

02-04-2024, 10:01 | Общество

Урҗ өдр Москван ВДНХ-д Хальмг Таңһчин һәәхүлд Александр I һардвртаһар Әрәсән Әәрм Париж балһснд орсна 210 җилд нерәдсн керг-үүлдвр болв.

Францин хотл балһснд Хальмгин хойрдгч полкин подполковник Серебджаб Түмн орлцсн билә. 1812 җилин дәәнд Әрәсә диилвр бәрснә хөөн нертә орс скульптор болн зурач Федор Толстой эн диилврт нерәдәд шишлң хөрн медаль кеҗ һарһсн бәәҗ. Негнднь Әрәсән дәәч күүкн күүнд тосна бүчр белглҗәснь зурҗ. Эн авъясиг цааранднь давулхар Хальмг Таңһчин һәәхүлин өөр санлын керг-үүлдвр бүрдәгдв. 1812 җилин дәәчнрин хувцта нег һазра мана улс «Әрәсә» һәәхүлд ирсн күүкд улст тосна бүчрин ормд бамб цецгүд белглв.

Тер цагин дәәнд хальмг дәәчнр орлцсна тускар гиичнрт Әрәсән цергә-тууҗин бүрдәцин хальмг әңгин һардач Күкән Нарн тодрхаһар келҗ өгв. Мана таңһчин элчнрт давсн керг-үүлдвр омг үүдәҗ, тууҗин зөөрән дорас өсч йовдг баһчудын төлә хадһлҗ йовхан медүлв.

ОЛЬДАН Цаһан

Видео