Театрин зурач Дмитрий Сычев

02-04-2024, 10:11 | Общество

Н. Пальмовин нертә Келн-улсин музейд моһа сарин 27-д Хальмг АССР-ин билг-эрдмин ачта үүлдәч, театральн зурач Дмитрий Сычевин зургудын һәәхүл секгдв.

Хальмгин билг-эрдмин делгрлтд зөвтә тәвцән орулсн зурачин үүдәврмүдиг театрин өдрлә ирлцүлҗ болн бамб цецгин наадмиг угтҗ бүрдәсмн. Юнгад гихлә эн җилин бамб цецгин байр хальмг туульст нерәдгдҗәнә. Дмитрий Сычев болхла Хальмг театрт тууляр тәвгдсн кесг наадыг белдсмн. Йириндән туульсар соньмсад, олн зурцс кедг бәәсмн. Цуг эн зургудла һәәхүлд таньлдҗ болхмн.

Нертә болн билгтә зурач үүдәлтин байн зөөр үлдәсмн. Келн-улсин музейин һардачин дарук Ирина Новомлинован келсәр, музейин көрңд наадн болһнд белдәд, Дмитрий Вячеславович зурсн зургуднь, бичсн дегтрмүднь, альбомснь болн открытксин һарцнь болн олн нань чигн тоот әрүнәр хадһлгдҗана.

Терүнәс хальмг туульсар тәвгдсн нааддт белдсн зургуд һәәхүлд бас тәвгдв. Хальмг хувцнд нерәдсн зургуд чигн олна оньгт тусхагдҗана. Тиигчкәд эн зургудын ик зунь урднь үзүлгдәд уга бәәсмн.

(полную версию статьи можно посмотреть в бумажной версии выпуска № 33 (19015) 2 апреля 2024 года, вторник)

ЖИРҺЛИН Кермн

Видео