Нөкцлт батрҗана

04-04-2024, 09:05 | Общество

Урҗ өдр Әрәсән болн Беларусин улсин негдлтин Өдр темдглгдв. Кезәнәс авн хойр орн-нутг хоорндан ниитәһәр, ахнр-дүүнр мет бәәнә.

– Өдгә амр биш цагт нарт-делкәд тогтсн бәәдл мана хойр нутгин негдлтиг улм батрулв. Сурһуль-эрдмин, селәнә эдл-ахун, тосхлтын, зуульчллһна, спортын болн талдан халхар нөкцлтҗәнәвидн. Нидн мана таңһчд Минск тракторин заводын әңг секгдсмн. Тер мет селәнә эдл-ахун белорусск техник яслһна төв тосхгдҗана. Терүнәс нань Б.Б.Городовиковин нертә хальмг ик сурһуль Беларусин вузмудла бас залһлда бәрҗ хамцу төсвсән күцәҗәнә. Иргчдән чигн бас чинртә соньн төсвс күцәхәр зуралҗанавидн, – гиҗ Хаска Бату темдглв.

ОЛЬДАН Цаһан

Видео