Яшалтан бичкдүд ончрв

04-04-2024, 09:15 | Общество

«Баһ наста билгтнр» гиҗ нерәдгдсн таңһчин марһан болв. Бичкдүдин билг-эрдмин сурһулин, көгҗмин болн бичкн зурачнрин сурһулин күүкд-көвүд тер марһанд орлцв.

Яшалтан района «Звездочки» гидг билг-эрдмин коллектив марһана нүүрт һарв. Эн ансамблин нег баг нүр хойр орм эзлв. Дәкн нег багнь Гран-при шүүҗ авв. Хальмгин деед үзгин райодт билгтә бичкдүд өсчәхинь, энд медрлтә болн чадмг сурһмҗлачнр күүкд-көвүдин билг-эрдм делгрүлҗәхинь марһан иткүлв.

Олн күүкд-көвүдт дууна, бииһин болн нань чигн эрдмиг дасхчадг, Цугәрәсән болн таңһчин марһаст диилвр бәрҗәдг ансамблин тускар цөн үг бичхмн.

«Звездочки» ансамбль Яшалтан района бичкдүдин үүдәлтин төвд үүлднә. Анастасия Кулявцева коллективиг толһална. Шидр эдн Цугәрәсән марһанд орлцад ирв. «Планета звезд» гидг нерәдлһтәһәр болдг билг-эрдмин болн үүдәлтин IX Цугәрәсән марһанд билгтә яшалтахн лауреатнрин нер зүүв. Сарпулин крайин Ессентуки балһснд болсн хәләвр тиигәд күцәмҗтә болв.

«В стиле джаз», «Цветики», «На Ивана Купала» гидг би биилсн Кристина Корнеева негдгч девсңгин лауреат болв. Вероника Лебедева бас тиим өөдән ачлвр авв. «На палубе» гидг би биилсндән эн бас үнлгдв. «Зимние забавы» гидг би биилсндән бичкдүд хойрдгч девсңгин лауреатнр болв, дәкәд болхла «Миңһн байр» гидг би биилсн биичнр һурвдгч девсңгин лауреатнрин нер зүүв. Ямаран өргмҗтә йовдл гиһит!

ЖИРҺЛИН Кермн

Видео