Таңһчин делгрлтиг темдглв

05-04-2024, 09:01 | Общество

Одахн Әрәсән Президент Владимир Путинә һардврт регионмудын делгрлтин шишлң көтлврмүд күцәлһнә тускар ик хург болв.

Әрәсән экономикин делгрлтин министр Максим Решетников эн көтлврмүдин тускар илдкл кеҗ, Хальмг Таңһчин делгрлтиг бас темдглв. Мана таңһчд көдлмш уга улсин то 3,1 процентд баһрв, арһлачнрин то икдв, гермүд эдлврт орулгдҗахнь бас өсчәнә, агропромпаркин тосхлт эклв болн талдан хүврлтсин тускар Максим Геннадьевич келсмн.

– Министр лизингин көтлврәр авгдсн селәнә эдл-ахун шишлң техникин болн Элстд дәәнә ветеранмудын төлә гериатрийин төвин тосхлтын үнин зәрм хүвинь даңцалһна тускар зәңглв. Энүнәс иштә мана таңһчд дөң-тусан күргҗәдг Әрәсән йиртмҗин көрңгин болн экологин министр Александр Козловд болн Залврин Ахлачин дарук Марат Хуснуллинд мана таңһчд онц оньган өгчәснд ханлтан өргҗәнәв, - гиҗ таңһчин Толһач үгән ашлв.

ОЛЬДАН Цаһан

Видео