Мөшклһнә кергиг даавртаһар күцәнә

06-04-2024, 09:03 | Общество

Эндр Әрәсән МВД-н медлд бәәдг мөшклһнә әңгин көдләчнр сән Өдрән темдглҗәнә. Мана таңһчд эн әңгүдин тууҗ 1963 җиләс авн эклнә. Тер җилмүдт хальмгуд Сиврәс шинкн ирҗәсн цаг билә, цуһар төрскн һазран шинәс босххар седклән тәвҗ көдлв. Җирн һар җилдән дамшлтта мөшкәчнр төрскн нутгтан әәмшг уга бәәдл тогталһнд өдр болһн тәвцән орулҗ йовна.

Сән өдр угтҗ, Элст балһсна дотр-дундын кергүдин Заллтын мөшклһнә әңгин һардач, юстицин подполковник Ульцинә Данзнла (зургт) харһҗ күүндвидн.

Данзн Вячеславович һардҗадг әңгд ут тоодан һучн шаху күн көдлнә. Тедн дунд зурһан һардач, наадкснь мөшкәчнр болна. Мөшкәчнрин дунд тавн күүкд күн көдлнә. Мөшкәчин көдлмш йир күнд, гиҗ келх кергтә. Тер юңгад гихлә өдр-сө уга кергән күцәхд белн бәәх кергтә. Зөв-йос эвдәҗәдг улс күүнәс сурлго ямр чигн цагла му үүлән бүтәнә.

– Өдгә цагт Элстин ГУВД-н мөшкәчнр экономическ, хулха келһнә, күүнә эрүл-мендд харшлтан күргдг, хаалһст зеткрлә харһулдг, наркотикүдин, мек-тах һарһдг болн талдан олн кергүдиг мөшкнә. Эн тооһас мек-тах һарһлһна кергүд, мөшкәчин келәр келхлә IT-технологийин халхар илдкгдсн кергүд олар харһна, – гиҗ Ульцинә Данзн келв.

(полную версию статьи можно посмотреть в бумажной версии выпуска № 35 (19017) 6 апреля 2024 года, суббота)

КАРСАНА Евгения

Видео