Күүкд улсин үүлдвриг үнлв

06-04-2024, 09:07 | Общество

Эн өдрмүдт Хальмг Таңһчин күүкд улсин ниицән 20 җилин өөн темдглв. Элстд олна ниицәнә өөнд нерәдсн байрин хург болв. Өөнин керг-үүлдвр угтҗ Хальмг Таңһчин Улсин Хуралын (Парламентин) депутат, «Шин улс» партин әңгин һардач Гаджи Фероян олна ниицәнә гешүдлә харһҗ, ач-тусинь үнлв.

Таңһчин күүкд улсин ниицәнә ахлач Эскләнә Данара, күүкд улсин Әрәсән ниицәнә сойлын элч Эльдера Мария, күүкд улсин Элст балһсна ниицәнә ахлачин дарук Гиули Хачатрян болн таңһчин ниицәнә гешүн Офелия Акопян харһлтд орлцв. Таңһчин күүкд улсин олна ниицәнә ахлач кеҗ-күцәҗәдг көдлмшиннь, буйнч седклин керг-үүлдврмүдин тускар келҗ өгв. Тиигәд коронавирусн гем учрсн цагт эдн күүкд улсиг дөңнв, ода шишлң цергә керг-үүлдврт орлцачнрт дулан хувц илгәҗәнә, бу-селм бүркдг кегдл уйҗана, нег һазра улст хот-хол болн нань чигн кергтә тоот цуглулҗана. Буйнч седклин яарм бүрдәҗ, хоршасн мөңгәр бичкдүдт, СВО-д орлцачнрин өрк-бүлмүдт, җирһлин күнд таалд туссн улст дем күргдгин тускар Данара Босхомджиевна бас келв.

(полную версию статьи можно посмотреть в бумажной версии выпуска № 35 (19017) 6 апреля 2024 года, суббота)

БАТАН Наталья
ЗУРГТ: таңһчин Улсин Хуралын депутат Гаджи Фероян күүкд улсла харһсн кем

Видео