«Үйнрин залһлдан: Санҗин Никита болн Дмитрий»

09-04-2024, 09:28 | Общество

Хальмг Таңһчд өрк-бүлин җилд нерәдәд, олн керг-үүлдврмүд кегдҗәнә. Тер тоод сойлын көдләчнр эн туст бас эврә тәвцән орулҗана. Шидр Н. Пальмовин нертә Келн-улсин музейд нертә зурачнр – эцк-көвүн хойр Санджиевихнә һәәхүл секгдв. «Үйнрин залһлдан. Никита болн Дмитрий Санджиевихн» гиҗ тернь нерәдгднә.

Өрк-бүлин җилд музейин коллектив зурлһна болн дүрслүллһнә эрдмд җирһлән нерәдсн өрк-бүлмүдин тускар келҗәдг керг-үүлдврмүд бүрдәхәр темдглв. Билг-эрдм тохмд һарна гиһәд, Хальмгт тиим нертә олн зурачнр болн дүрслүләчнр баһ биш. Теднә туск материалмуд цуглулҗ, үүдәврмүднь олн хәләһәчнрт үзүлгдхмн.

«Үйнрин залһлдан. Никита болн Дмитрий Санджиевихн» гиҗ нерәдсн һәәхүләр тер керг-үүлдврмүд эклҗәнә. Хальмгин ачта зурач, РСФСР-ин улсин зурач Никита Амолданович Санджиевин 100 җилин өөнлә ирлцүлҗ, эн һәәхүл бүрдәгдв. Ик ачта болн күндтә скульптор Санҗин Никитан нерн Хальмгт болн Цугәрәсәд темдгтә. Дүрслүллһнә эрдмд ик өөдмд күрсн билгтә скульпторин һарар кевлгдсн олн бумб Элстд, таңһчин райодар бәәнә. Билгтин урн һарар кегдсн тер олн бумб мана җирһлин салһгдшго әңгнь болҗ, балһс-селәдиг кеерүлҗәнә. Төрскән харсад дәәнд әмән өгсн авсн баатрмудын санлыг күндлгч эн темдг улсин санлд мөңкинд бәәнә. Цугтад йир әрүн бәәрн Хальмгин сойлын зөөр болҗ тохрв.

(полную версию статьи можно посмотреть в бумажной версии выпуска № 36 (19017) 9 апреля 2024 года, вторник)

ХӨӨЧИН Галина

Видео