Оларн – Диилврин төлә

11-04-2024, 14:11 | Общество

Цергә шишлң керг-үүлдвр эклснәс авн Әрәсән регионмудар буйнч седклин керг-үүлдврмүд бүрдәгдәд, зер-зев, ирлцңгү техник, хувц-хунр, хот-хол болн талдан эд-тавр цуглулад цергчнрт илгәгднә. Нег һазра мана улс тиим кергт даңгин орлцҗ, СВО-д орлцачнрт дөң-тусан даңгин күргәд бәәнә.

Шидр Манҗин Аркадин нертә Хальмг филармоньд сойлын болн зуульчллһна министерств таңһчин Росгвардин Заллтла хамдан бүрдәсн буйнч седклин «Вместе Zа Наших!» концерт болв. Росгвардин көдләчнрин өрк-бүлмүднь, тер мет таңһчин зөв-йос харлһна талдан бүрдәцсин элчнр концертд олар ирв.

– Тиим буйнч седклин концерт түрүн болҗ давулҗанавидн. Тогтсн бәәдләс иштә эндр ирлцңгү керг-үүлдврмүдиг бүрдәхд амр биш болна. Нааран олн-әмтн ирснь сән йовдл мөн. Росгвардин цергчнриг даңгин дөңнҗәснд өөрхн элгн-саднднь, өрк-бүлмүдтнь ик ханлтан өргҗәнәв, – гиҗ Хальмг Таңһчин Росгвардин Заллтын һардач, полицин полковник Нарн Настинов нүр үгдән келв.

Цергә шишлң керг-үүлдвр экләд, хойр җил болв. Росгвардин цергчнр болхла түрүн зергләнд орҗ, Төрскән харсч йовна. Нег һазра улс арһан негдүләд, олна кергин төлә тәвцән орулхар шунна.

(полную версию статьи можно посмотреть в бумажной версии выпуска № 37 (19018) 11 апреля 2024 года, четверг)

КАРСАНА Евгения

Видео