Багшин болн һардачин неринь мөңкрүлв

16-04-2024, 09:40 | Общество

Багшин көдлмшиг әмтн кезә чигн магтҗ күндлҗ йовснь лавта, тер авъяс ода ик делгрлт авчана, мана таңһчин райодар болн селәдәр багш күүнә тоомср цаг ирвәс өөдләд йовна. Нег үлү сурһульчнр җирһлин сәәхн хаалһд орулсн багшин дүриг кезә чигн седклдән хадһлна.

Шидр Улан Эрг селәнә сурһулин багшнрин, сурһульчнрин, теднә эк-эцкнрин седвәрәр урднь сурһулин һардач болҗ көдлҗ йовсн, Яшкулин района сурһуль-эрдмин делгрлтд ик тәвцән орулсн педагогическ күч-көлснә ветеран, Хальмг Таңһчин түрүн күүкд күн-нисәч Сохра Булһнд (зургт) нерәдсн санлын самбр секх шиидвр батлгдсиг Яшкулин района һардвр болн сурһуль-эрдмин заллт дөңнв.

Мөрн сарин 10-д самбр секлһнә керг-үүлдвр дунд сурһулин герт болв. Энд Булһн Отямишевнала хамдан көдлҗәсн үүрмүднь, түүнәс төрскн келнә медрл авсн сурһульчнр, ода көдлҗәдг багшнр болн эн сарул-сәәхн герт сурчадг көвүдкүүкд цуглрв.
Түрүләд Әрәсән болн Хальмг Таңһчин частрмуд күңкнв, эн кемд цуг сурһульчнр орс-хальмгар дуулв. Селәнә сурһульд цугтан хальмг кел дасна гиҗ лавтаһар келҗ болхмн.

(полную версию статьи можно посмотреть в бумажной версии выпуска № 39 (19020) 16 апреля 2024 года, ВТОРНИК)

ҖААХАН Бадм
Зургт: Улан Эргин дунд сурһулин багшнрла болн сурһульчнрла

Видео