Алдр Диилврин хаалһар

16-04-2024, 09:58 | Общество

Цугәрәсән олн дунд сурһулин бүрдәцсин музеймүдин марһана аш диглгдв. «Без срока давности» гиҗ нерәдгдсн эн хәләвр - марһан Төрскән харсгч Алдр дәәнд әмнәсн хаһцсн дәәчнрин санлыг мөңкрүлхин төлә кегднә. Дәәнә көлд әмән өгсн, эс гиҗ даҗрлһнла харһсн әмтнә зовлңгиг чигн тодлулх санатаһар эн керг-үүлдвр күцәгднә. Дән бичә учртха, йосн биш йовдлыг уурулх арһ хәәҗ үүлддг седкл баһчудт зүүлһх сурһмҗин чинртә эн үүлдврт сурһулин олн музеймүд орлцна.

2024 җилд марһана федеральн девсңд Элст балһсна 8-ч тойгта дунд сурһулин музейин һәәхүл темдглгдв. Эн сурһулин сурһульчнрин белдсн «Алдр Диилврин хаалһар» гидг һәәхүл жюрин тааслт олҗ үнлгдв. Багш Элина Петровна Утигенован һардврт сурһульчнр терүг белдсмн.

Эн һәәхүл мөрәлгч орм эзлв. Хальмгин хотл Элст балһсиг фашистнр эзлҗ авсн цагт хортна даҗрлһн ямаран бәәснә тускар экспонатмуд герчлҗәнә. Сурһульчнрин диглҗ, белдсн экспонатмудын тускар Сергей Букреев болн болн Делгр Исинова соньн кевәр цәәлһҗ өгв. Музейин һәәхүл болн экскурсь бүрдәсн сурһульчнр Москвад ачлвринь бәрүлҗ өглһнә керг-үүлдврт орлцх үрвр авв.

Иигәд Сергей Букреев болн Делгр Исинова 8-ч тойгта Очра Номтын нертә сурһулин нерн деерәс тер ик байрт хөн сарин 7-ас авн 10 күртл орлцхмн.

ҖИРҺЛИН Кермн

Видео