Бәәрн залврин көдләчнриг йөрәв

23-04-2024, 09:00 | Общество

Хальмг Таңһчин Толһач Хаска Бату муниципальн цергллтин ветеранмудыг болн көдләчнриг сән Өдрләнь йөрәв.
Мана таңһчд Элст балһсна бүрдәц, 13 района, 2 балһсна болн 111 СМО – ут тоодан 127 муниципальн бүрдәц бәәнә. Эн җил «Әрәсә» нарт-делкән һәәхүлин йовудт «Бичкн төрскн - Әрәсән күчн» нертә түрүн муниципальн ик хург болв. Терүнд орн-нутгин цуг регионмудын, тер тоод мана таңһчин, цуг муниципальн бүрдәцсин элчнр орлцв.

Цуг регионмудт мет «Муниципальн бүрдәцсин хүүв» нертә бүрдәц мана таңһчд бас үүлдҗәнә. Энүнә үүлдвриг бәәрн залврин көдләчнр эврән диглнә.
– Элстин, райодын, селәнә муниципальн бүрдәцсин һардвриг, көдләчнриг болн цуг депутатнриг сән Өдрләнь йөрәҗ, цааранднь чигн таңһчиннь цецгәрлтин төлә хамцу үүлдврән күцәхмн, – гиҗ Бату Сергеевич темдглв.

ОЛЬДАН Цаһан

Видео