Севастополин болн Дагестана улсиг дөңнәд

25-06-2024, 18:55 | Таңһчин зәңгс » Хальмг Тањєчин Толєачин ґдр-бўр

Урҗ өдр Севастополь балһснд болн Дагестан Республикд болсн зеткртә йовдлмудт кесг күн әмнәсн хаһцв.
Севастопольд болсн әәмшгтә йовдлд әмнәсн хаһцсн улсин дунд бичкдүд бәәснь йир һундлта.
Тер мет Дагестана Махачкала болн Дербент балһсдт зеткрлә харһсн улсин дунд зөв-йос харлһна кесг көдләчнр әмнәсн хаһцв.
– Шавтсн улс шулун эдгҗ, гертән хәрҗ иртхә. Тиим әәмшгтә йовдл һарһсн улс орн-нутгин иргнмүд дунд цүүгә татҗ, улсин хоорндк хәрлцәг эвдхәр зүткҗәнә. Тедн күслдән күршго, бидн цуһар негдҗ, кен-негән дөңнҗ бәәх зөвтәвидн, – гиҗ таңһчин Толһач Хаска Бату иткүлв.
ОЛЬДАН Цаһан

Видео