Хальмг эмчнр цергчнрлә харһв

27-08-2024, 14:53 | Общество, Таңһчин зәңгс, Зіњг, Эдн Төрскән харсла

СВО-д церглҗ йовх дәәчнрт болн Луганск Улсин Республикин Антрацит балһсна әмтнд эмнлһнә дөң күргҗәдг Хальмгин эмчнрин тускар даңгин бичгднә. Тиим нег йовлһна тускар эндр бичҗәнәвидн. «Cулда» гидг шишлң дөң күрглһнә таңһчин төвин хойрдгч тойгта әңгин мергҗлтнр ода Антрацит балһснд дөңгән күргҗ көдлҗәнә. Луганск Улсин Республикд СВО-д орлцҗадг хальмг цергчнр госпитальд эмнлһнд бәәнә. «Сулдан» мергҗлтнр эврә һазрин цергчнрлә шидр тенд харһв.

Ах-дү хойр Максим болн Дмитрий Андрющенко Целинн района Троицкое селәнә көвүд болҗана. Ода эдн госпитальд эмнгдҗәхин тускар таңһчин эрүл-менд харлһна министерствин барин цергллт зәңглҗәнә. Антрацит балһсна эмнлһнә ул деер үүлдҗәдг госпитальд эмнүлгдҗәдг көвүдтән золһхар эцкнь болн Дмитрийин авальнь ирсн бәәҗ.
Максим Андрющенко даруһас хәрҗ ирәд, дәәнә ветеранмудын госпитальд цааранднь эмнлһ авхмн. Максимин тускар таңһчин әмтн урднь соңссмн. Хальмгин дәәч күндәр шавтад, окопд кесг хонгтан хот болн усн угаһар тесч бәәсмн. 15-ч хонгтнь дәәчиг медицинск эгч олҗ авч госпитальд күргәд, әмд авч һарсмн. «Ангел» гиҗ залһлда бәрдг күүкд күн хальмг һазра бәәснь медгдв. Дәәлдәнә һазрас цергчиг авч һарһсн деерән күндәр шавтсн дәәчд эмнлһ кеһәд, килмҗән өгч хәләсмн. Максим «Тяпа» гиҗ залһлда бәрҗ дәәлдҗ йовсмн. Көвүһинь дәәлдәнә һазрас һарһад, харсч авсн күүкиг көвүнә экнь олҗ авад, ханлтан медүлв. Дәәлдәнд шав авсн дәәчнрт тусан күргҗәдг амр биш көдлмшинь үнләд, олн җилд эрүл-менд йовтн гиҗ цуг медицинск көдләчнрт Максим Андрющенко үнн седкләсн ханлтан өргв.

ҖИРҺЛИН Кермн

Видео