Агитбригад менд бәәнә

Агитбригадмудын тускар кесгәс нааран соңсгдад уга билә. Ода болхла Хальмг Таңһчд райодар агитбригадмудын таңһчин марһана муниципальн девсңгнь болҗана. «Живи! Твори! Мечтай!» гидг дуудвртаһар агитбригадмудын марһан давҗана.

Эрүл-мендин бәәдл батллһнд, күүнә әмнд хоран күргдг му авъясмудыг, тәмк татлһиг, әрк уулһиг, наркотикд авлгдлһиг уурулхин төлә эврә көтлврмүдән агитбригадмуд белдҗ. Күүнә эрүл-мендд хорлтан күргдг тер авъясмудас яһҗ гетлҗ болхин тускар агитбригадмуд хурц үгмүд олзлҗ келҗ өгчәнә.
Жюрин гешүд көтлврин учр-утхд оньган өгсн деерән тер чик тоотан ямаран билгтәһәр, әмтнә оньг авлгч чинртәһәр кегдҗәх угаһинь тоод авна. Хамгин сән агитбригадмуд таңһчин марһана ашлгч девсңд орлцхмн.
ҖИРҺЛИН Кермн