Олег болн Цаһан Цереновихн хөрн һар җил хооран ханьцад, һурвн үртә эк-эцк болв. Эн җил эдн «Җилин сән гисн өрк-бүл» гидг марһанд орлцад, өвкнриннь авъяс хадһлдг өрк-бүлмүд дунд диилвр бәрв. Эн күцәмҗ өрк-бүлиг улм батрулад, эднд ик урмд өгв, элгн-саднднь болхла байр-бахмҗ үүдәв.

Билгтә бичкдүд дунд җилин туршарт олн-зүсн марһас бүрдәгднә. Шидр Элстд зургуд зурлһар бичкдүд дунд марһан болв. «Хамдан – нег нутг» гиҗ нерәдгдсн марһанд олн күүкд-көвүд орлцв.

Одахн Яшалтан района А. Дурневин нертә дунд сурһулин 4-ч классин сурһульчнр Цугәрәсән бичкдүдин «Орленок» төвд амрад ирв. Эдн Хальмг Таңһчин марһанд болн Әрәсән кемҗәнд диилвр бәрәд, мана арвтнриг элчлв. Октябрьск сурһулин 4-ч классин бичкдүд нег-негән дөңнҗ амр биш цуг даалһвриг күцәв.

Хөн сарин 23-ас авн 25 күртл Дагестан Республикин Каспийск балһснд тохма хөөдин болн ямадын Әрәсән XXIV һәәхүл давв. Терүнд орн-нутгин 24 регионас, тер тоод Запорожск болн Херсонск мүҗсин, мал өсклһнә 60 һар эдл-ахус орлцв. Тер мет йосна элчнр, региональн АПК-н заллтсин һардачнр, номтнр болн малчнр керг-үүлдврт ирҗ дамшлтарн хувалцв. Һәәхүлд һучн һар тохма мал үзүлгдв.

Хаврин цаг шүлгүд умшх седкл зүүлһдгинь кен эс меднә. А. Амр-Санана нертә Келн-улсин дегтрин саңгин көдләчнр йиртмҗ серҗәх сәәхн цагла шүлгүд умшдг билгтнрин марһа зарлна. Эн җилин марһан бамб цецгин наадмин кемҗәнд болснь темдгтә. Бас нег ончнь шүлгүд эн җил өөнән темдглҗәдг хальмг бичәчнрин үүдәврт нерәдгдв.

Шидр Аһш балһснд «Әрәсән нерд» гидг бичкдүдин болн арвтнрин үүдәлтин нарт- делкән марһан-наадмин девсң болв. Эн марһан сойлын седвәр дөңнлһнә президентск саңгин дөңгәр давулгдна, жюриг нертә дууч Анита Цой һардна.

Маңһдур цуг нарт-делкәд өрк-бүлин сән өдр темдглгдҗәнә. Күн болһнд өрк-бүлнь җирһлин хаалһднь түшг болҗ, ямаран чигн күнд-күчриг даахд дөң болна, байринь хувалцҗ бахмҗ кенә. Нег үлү эндрк амр биш цагла өрк-бүл маднд чидл урһаҗ, өмәрән зөрхд урмд өгнә. Өрк-бүл бат болн ниитә болхла, мана орн-нутг чигн бат болҗ, делгрәд, өсәд-өргҗәд йовхнь маһд уга.

Шидр олн үртә өрк-бүлмүд дунд давулгдсн «Өрк-бүлин байрта агчм» гидг марһанд олн-әмтн дууһан өгәд, таасгдсн сән гисн зург йилһҗ авсна тускар бидн зәңглсн биләвидн. Тиигәд, Яшкулин района Чилгр селәнд бәәдг Марчеловихнә өрк-бүл эн номинацд диилвр бәрв. Байрин керг-үүлдврт олн үртә эк Анджелика отхн Анастасия болн Амр-Санан күүкн-көвүтәһән ирв.

Элст балһснд «Ээҗин келн – эңкр зөөр» гидг марһан болв. Бичкдүдин садмудт сурһмҗ авчах күүкд-көвүд төрскн келән ямаран кевәр меддгән марһана йовудт үзүлв.

Одахн «Ик завср» («Большая перемена») гидг Цугірісін сурєульчнрин марєанд орлцачнр «ВКонтакте» гидг социальн гґлмд шин долан хонган он-лайн диг-дараєар эклв, энўні тґрнь «Шин љил – ик кўсл» («Новый год – большие цели») гиљ нерідгдв. Эн марєан Ірісін гегін-герлин министерствин дґњгір бўрдігдљіні.