Зургудын марһан зарлгдв

25-01-2025, 12:36 | Таңһчин зәңгс » Марєан

Эн җил бидн Алдр Диилврин 80 җилин ончта өөн темдглхвидн. Әрәсән Президентин зәрлгәс иштә 2025 җил мана орн-нутгт Төрскән харсачин җил гиҗ зарлгдв. Эн ончта болн темдгтә йовдлд нерәдәд «Защитники Отечества. Zаветам Vерны» гидг зургудын нарт-делкән марһа давулх шиидвр авгдсмн.

Марһанд орлцачнр ик кезәнәс авн өдгә цаг күртл Төрскән харсачнриг зурх зөвтә. Үүдәврмүдән туула сарин 17-ас авн лу сарин 12 күртл зурҗ илгәх кергтә. Марһанд 6-8, 9-11, 12-14, 15-17 наста бичкдүд болн 18 наснас ах улс орлцҗ чадҗана, эдн эрлһән Диилврин музейин ниигмин сүлҗәнд https://victorymuseum.ru/online-programs/competition/konkurs-zashchitniki-otechestva-2025/ гидг хайгар илгәх зөвтә.
Лу сарин 14-әс авн 18 күртл «Әмтнә тааслт олсн белг» гидг әңгд дууһан өгч таасгдсн зург йилһҗ авч болхмн. Сән гисн зургуд Диилврин музейин ниигмин сүлҗәнд барлгдхмн. Марһанд диилвр бәрсн улсиг Москва балһснд Диилврин музейд Төрскән харсачин өдр угтҗ ачлҗ йөрәхмн.

ДАВАН Наталья

Видео