Төсвс күцәлһнд орлцхмн

Сегодня, 11:55 | Общество, Таңһчин зәңгс, Зіњг, Марєан

«Әрәсә – эв-арһсин орн-нутг» гидг бүрдәцин «ТопБЛОГ» Цугәрәсән төсвин зурһадгч девсң эклв, тегәд Хальмгин түүрвәчнрт терүнд орлцх үрвр кегдв. Шин девсң «Родной контент» гидг төрәр давулгдхмн. Марһанд орлцачнр орн-нутгин зәңгллһнә халхин нүүрлгч шинҗләчнрлә харһхмн, чинртә төсвст орлцхмн, Әрәсән бүрдәцслә хамдан шаңһа төрмүд хаһлҗ көдлхмн. Эврәннь эрлһән «ТопБЛОГ» төсвин сайтд орулҗ болхмн.
- «ТопБЛОГ» төсвд орлцачнр эврәннь хәләһәчнрлә болн соңсачнрла залһлда батрулҗ, мергҗлтән өөдлүлҗ, төсвән делгрүлҗ чадна. Эн марһанд орлцачнр белдсн орн-нутгин болн мана күцәмҗин, орн-нутгин улсин туск тууҗиг Әрәсән меҗә һатц кесг күн умшна, хәләнә, теднәс үлгүр авна. Эн җил эклҗәдг шин девсң маднд бас кесг шин нерд медүлх гиҗ ицҗәнәв. Эдн Әрәсә ик эв-арһсин орн-нутг болҗахиг эрк биш иткүлх, - гиҗ «Әрәсә – эв-арһсин орн-нутг» гидг президентск бүрдәцин болн «Сенеж» залврин мастерскойин һардач Андрей Бетин темдглв.
Келхд, Хальмг Таңһчин элчнр «ТопБЛОГ» төсвд 2020 җиләс авн орлцҗана. Тавн девсңгин йовудт 215 күн орлцв, теднәснь хойрнь марһана ашлгч девсңд орв. Эн төсвд орлцхин төлә ниигмин сүлҗәнд эврәннь һарц барлх кергтә. Ашлгч девсң хулһн сард «Сенеж» залврин мастерскойд болхмн, терүнд 2026 җилин дииләчнр йилһҗ авгдхмн.
ДАВАН Наталья

Видео