«Киитн Аавиг йөрәтн!»

Сегодня, 15:40 | Общество, Таңһчин зәңгс, Зіњг

«Сойл сурһульчнрин төлә» гидг сойлын-сурһулин төсвин йовудт хулһн сарин 15-ас авн үкр сарин 5 күртл «Киитн Аавиг йөрәтн!» гидг Цугәрәсән керг-үүлдвр болҗана. Әрәсән Президентин болн орн-нутгин залврин медлд үүлддг Вологодск мүҗин элчллт болн «Киитн Аав» бүрдәц эн керг-үүлдвриг Әрәсән сойлын министерствин дөңгәр бүрдәв.

Әрәсән сойлын министрин дарук Жанна Алексееван темдглсәр, эн керг-үүлдвр эк-эцкнриг болн бичкдүдиг хамцулхин, дорас өсч йовдг баһчудыг үвлин сән өдрмүдин авъясмудла таньлдулхин, орн-нутгт зуульчллһ делгрүлхин төлә давулгдҗана. Әрәсән сойлын Министерств бичкдүдт болн баһчудт ик оньг тусхаҗ, төрскн сойл болн туульс гүүнәр медҗ авлһна кергиг урмудҗ, гегән-герлин үүдәгч төсвс күцәнә. Теднә тоод «Киитн Аав» гидг шин төсв күцәгдҗәнә гиҗ дааврта һардач келв.
Әрәсән сурһульчнр үүдәгч марһанд орлцад, Киитн Аавин һарсн өдрт нерәдәд, шүлг, тууль, ду үүдәҗ эс гиҗ айслулҗ умшад-дуулад болн һарин кегдлмүд белдҗ чадҗана. Марһанд орлцхин төлә «Культурадляшкольников.РФ» гидг хайгар үкр сарин 5 күртл эрлһән орулх кергтә. Марһана ашар шинҗләчнр сән гисн 100 көдлмш йилһҗ авад, Киитн Аавин һарсн өдрлә, үкр сарин 18-д дииләчнрин нерд заахмн. Марһана дииләчнрт Әрәсән Киитн Аав белг өгхмн. Великий Устюг балһснд одад Киитн Аавла харһхнь хамгин һоллгч мөрә болхмн.
БАТАН Сәәхлә

Видео