Хальмг сурһульчин «Теегин кеерүл»

«Мини һазр – мини Төрскн» гидг нертәһәр болсн Цугәрәсән марһанд хальмг сурһульч диилвр бәрв.

Элст балһсна 4-ч тойгта дунд сурһулин сурһульч Айя Эртнеева «Үүдәгч көдлмш» гидг халхар түрүн орм эзлв. Доладгч класст орҗадг күүкн керг-төрлә залһлдата чайнворд белдсмн. «Теегин кеерүл» гиҗ терүгән нерәдв. Хальмг Таңһчин Улан дегтрт орҗадг аһруснд болн урһмлд тернь нерәдгдҗәнә.
Таңһчин экологин болн сойлын туст цецн ухаһан тоолвртаһар олзлсинь жюри ончлҗ темдглв. Төрскн һазрин зөөриг әрүнәр хадһлхд, ховр аңгудын болн урһмлын туск медрл тархалһнд туслх үүдәгч көдлмш Айя Эртнеева күцәв. Көдлмштән билгтә күүкн хальмг улсин геометрическ зег олзлснь жюрин гешүдиг йир икәр өврүлв.
ҖИРҺЛИН Кермн