Уйн наста артистнрин күцәмҗ

Билгтә бичкдүдин эрдминь делгрүллһнә Хальмгин төвин театральн студьд орлцачнр нарт-делкән марһана зональн девсңгин дииләчнр болв. Александр Пушкинә 225 җилин өөнд нерәдсн наадмд эдн тиим күцәмҗтәһәр орлцҗана.

«Пушкин бичкдүдин хәләцд» гиҗ нерәдгдсн марһан нарт-делкән чинртә. Терүнд Әрәсән булң болһнас бичкн билгтнр орлцҗана. Дәкәд болхла терүнд өөрхн бәәдг һазадын орна болн Европин билгтә бичкдүд бас орлцҗахнь темдгтә болв.
Бичкн билгтнрин наадмд 800 һар бичкн цуглрҗ ирв.
Эн марһанд диилвр бәрсн Хальмгин «Браво» театральн студьд орлцачнр - Анастасия Хаминова, Арина Манджикова болн Арсений Рузанов мөн. Тер мет дииләчнрин тоод «Арт-эксперимент» студьд орлцач Герл Малышева бас заагдв. Кинән кевәр белдәд, эн бичкдүд Москвад болх наадмин ашлгч концертд орлцх зөв авв.
«Төрскн келән хадһлсн төләдән», гидг медаләр ончрсн бичкдүд мөрәлгдхмн. Диилвр бәрсн билгт «Алтн үзг» мөрә шүүҗ авхмн. Эннь хамгин билгтәһинь темдглҗ, урн үгин эрдмин туст эдн цань уга итклтәһинь үнлҗәх темдг болҗана.