Урһа модд суулһв

Бар сарин 24-д Хальмг Таңһчин Улсин Хурал (Парламент) 30 җилин өөнән темдглхмн. Ончта өөн угтҗ, депутатнр Элст балһснд Басан Городовиковин нертә уульнцд һучн урһа мод суулһв (зургт). Таңһчин Улсин Хуралын Ахлач Артем Михайлов, Элст балһсна Хургин Ахлач Максим Сорокин, таңһчин болн хотл балһсна зака үүдәгч бүрдәцсин депутатнр эн кергт орлцв.
Басан Городовиковин нертә уульнцд эн хаврас авн сән кец-таал тогталһна көдлмш кегдҗәнә. Энд бәәдг һурвн тагт шинәс тосхгдв, әмтн йовдг хаалһс ясгдв. Олн-әмтн амрдг ормд экологическ хаалһ кегдҗәнә. Депутатнр тер хаалһин хаҗуд модд суулһв. Иргчдән энд дәкәд модд суулһгдхмн, терүг «Аллея парламентариев» гиҗ нерәдхмн.

БАТАН Сәәхлә