Цергчнрин төлә

Хальмг Таңһчас СВО-д орлцҗ йовх цергчнриг СВОИРОДНЫЕ.РФ. гидг бүрдәцд орлцтха гиҗ үрвр кеҗәнә. «Төрскән харсачнр» гидг саң болн Әрәсән Күч-көлснә Герой Денис Проценко цугтад кергтә эн төсвиг эклв.
Цергә шишлң керг-үүлдврт орлцачнр болн терүнә ветеранмуд, теднә өрк-бүлин әмтн тер бүрдәцд орад, кергтә дөң авч чадхмн. Шин эн төсвин чинртә нег әңгнь – психологическ дөң күрглһн мөн. Олн зүсн төрәр мергҗлтнр белдсн көтлврмүд әмтнә оньгт тусхагдҗана. Шав авсна хөөн эс гиҗ талдан нег тиим йовдлла харһсн әмтнд туслх олн цәәлһвриг тенд олҗ болхмн. Дәәнә әәмшгиг давҗ һарсн улсин седклинь төвкнүлҗ, төвкнүн җирһлд оруллһна тохнята эв-арһ бас заагдсн бәәнә. СВО-д орлцачнрин өрк-бүлмүдт, теднә нань чигн өөрхн улст туста болх заавр-селвгүдиг терүнд олҗ болхмн, социальн халхар ямаран дөң күрггдҗәхин туск йосна бәрмт цаасн чигн энд орсн бәәнә.
«Төрскән харсачнр» гидг саң орн-нутгин цуг регионмудт көдлҗәнә. СВО-н ветеран болһнд, теднә өрк-бүлмүдт ик килмҗ һарһгдна. Төрскән харсачнрт нерәдҗ кегдҗәдг цуг көдлмшин туск, эн халхар йосн һарһҗадг шиидврмүдин тускар эн бүрдәцд орад медҗ болхмн. Ямр нег йовдл учрсн цагт СВО-д орлцачнр болн теднә өрк-бүлмүд, нань чигн өөрхн улснь мергҗлтнрин дөң авч чадҗана.

ҖИРҺЛИН Кермн