Олн үртә өрк-бүлиг байрлулв

Луганск Улсин Республикин Антрацитовск муниципальн округин Хүүвин ахлач, «Негдсн Әрәсән күүкд улсин җисән» төсвин зүүцүләч Виктория Сошина болн энүнә дарук Елена Рахмукова долан үртә Богдановихнә өрк-бүлд гиичд ирв. Өрк-бүлин җилин медлд гиичнр бичкдүдт белг авч ирснь эднд ик байрта йовдл болв. Әрәсән Федерацин Хүүвд Хальмг Таңһчин күцәгч йосна элч Хачира Борис өнр-өсклң өрк-бүлд белг илгәв.
Олн үртә эк-эцк хойр эднд килмҗән тусхаһад, бичкдүдт олн зүсн наадһас болн дулан хувц авч ирснд ханлтан өргв. Иим йовдлмуд бичкдүдт байр үүдәнә, буйнч седклтә улс дөңгән күргдгнь ик урмд өгнә гиҗ эдн темдглв.
Виктория Сошинан келсәр, олн үртә өрк-бүлмүдт дөң күрглһн эднә көдлмшт һол зөрүллтсин негнь болна. Җирһлин күнд таалд туссн, баһ тетквртә өрк-бүлмүдлә болдг харһлтст эдниг ямаран төрмүд үүмүлҗәхиг сәәнәр медҗ, шишлң көтлвр белдхд туслна гиҗ дааврта һардач келв.
Гиичнр бичкдүдт авч ирсн белгүд үзүләд, Әрәсән Федерацин Хүүвин элчин халун менд күргв. Бичкдүд сурһулиннь, тааста кергүдин тускар келҗ өгәд, эднд килмҗән тусхасн Борис Бекмуратовичд бас менд илгәв.

ДООҖАН Наталья
ЗУРГТ: олн үртә Богдановихнә өрк-бүлд гиичнр ирв