Хамцу үүлдвр делгрүлхәр

Хальмг Таңһчин Улсин Хуралын депутат Эрнҗәнә Петр парламентин Ахлач Артем Михайловин даалһврар ниигмин сүлҗәнә эв-арһар болсн Әрәсән Орн-нутгин Хүүвин хаврин сессин сүүрт орлцв. Әрәсән Орн-нутгин Хүүвин Ахлач Вячеслав Володин Әрәсән залврин, Федерацин Хүүвин элчнрт, сүүрт орлцх үрвр кесн гиичнрт йөрәлин үг келҗ, эндрк амр биш цагла хамцу үүлдвр делгрүллһнә төлә арһ-чидлән негдүлҗ, нөкцҗ көдлх кергтә гиҗ темдглв.
Хаврин сессин кемд мана орн-нутгин делгрлтин төлә ик чинр зүүҗәдг социальн-экономическ, һазадын политикин төрмүдт, келн-улсин төсвсин керг-үүлдврмүдиг күцәлһнд ик оньг өггдх гиҗ Вячеслав Володин заав. Баһ бизнесиг дөңнлһнә, әмтнә социальн харслтын халх ясруллһна, Әрәсән әәмшг уга бәәлһнә төрмүд сүүрин йовудт хәләгдв.

ДООҖАН Наталья