Зуульчллһна шин хаалһар

Хальмгин, Бурятин болн Тыван шаҗна төвмүдиг эн хаалһ залһхмн.

Эн җилин ноха сарас авн тернь секгдх гиҗ зуралгдҗана. Ода белдврин көдлмш кегдҗәнә. Әрәсән һурвн региона шаҗна әрүн тоотд күрх арһ олн-әмтнд өгчәх эн хаалһ ик соньмслт үүдәҗәнә. Тыва Республикин залвр батлсн төсвин кемҗәнд шаҗна ямаран чинртә бәәрнст күрч болхнь ода диглҗ авгдҗана. Республик болһнд зуульчнр күрч, һәәхҗ, тууҗла, сойлла таньлдҗ, әрүн һазрт зальврҗ болх цуг таал тогтахар төсвин бүрдәһәчнр шиидв.
Һаха сард Элстд шар шаҗна нарт-делкән ик хург болх йовдлла ирлцүлҗ, зуульчллһна иим хаалһ секгдҗәхнь бас чинртә болҗана. Нег шаҗнд шүтдг һурвн региона әмтн тиигәд залһлдаһан улм батлхмн.