Фермермүдлә харһв

Хальмг Таңһчин селәнә эдл-ахун министрин үүл дааҗадг Гаван Тимур Лагань балһснд бәәдг дөңнлһнә штабд арһлачнрла харһв.

Терүнә йовудт Көк теңгсин көвәһәр бәәдг аһу һазриг усар тетклһнә төрәр күүндвр болв. Гаван Тимур шаңһас йилһгддг дөңнлһнә эв-арһсин тускар цәәлһв. Таңһчин селәнә эдл-ахун министерств шаңһа демиг шин зокалар йилһҗ өгхин тускар зәңглв.
– Харһлтын чилгчәр, нег һазра фермермүд ирлцңгү төсвст орлцх седклән медүлв. Чинртә төсвс күцәгдәд, 2030 җил күртл 9 миңһн һар гектар аһу һазриг эдлврт орулхар зуралгдҗана. Тиим кевәр малдан өвс болн темс урһаҗ болхмн, – гиҗ Гаван Тимур темдглв.
КАРСАНА Евгения