Нәрн төрмүд хаһлхар

Давсн җилин чилгчәр тогтсн авъясар Хальмг Таңһчин Толһач Хаска Бату «Шуд залһлдана» йовудт нег һазра улсиг соньмсулҗадг сурврмудт хәрү өгв. Таңһчин иргнмүд эн керг-үүлдврт шунмһаһар орлцад, олн зүсн нәрн төрмүдәр сурврмудан тәвв.
Шидр Яшалтан района муниципальн бүрдәцин толһачин үүл дааҗадг Шаран Пүрвә таңһчин Толһач Хаска Батун даалһврар «Шуд залһлдана» йовудт сурврмудан өгсн Ульяновское, Красномихайловское болн Манычское селәдин бәәрн улсла харһҗ күүндв. Яшалтан района иргнмүдиг хаалһсин ясвр болн хог-бог ацҗ һарһлһна төрмүд үүмүлҗәнә. Эн туст Пүрвә Владимирович нег һазра улслаһан ил күүндәд, деер келгдсн төрмүд хаһлхиг эврә бүртклһнд авад, тусан күргхән иткүлв.
ОЛЬДАН Цаһан