Баһ наста зака үүлдәчнрин хург

Хальмг Таңһчин баһчудын парламентин һардач, Элст балһсна Хургин депутат Дорҗин Санл Әрәсән Федеральн Хургин Федерацин Хүүвин медлд үүлддг баһ наста зака үүлдәчнрин Палат бүрдәсн керг-үүлдврт орлцв.

Москвад баһ наста зака үүлдәчнрин Палатын болн Әрәсән Өмн үзгин федеральн округин субъектмүдин баһчудын парламентсин ахлачнрин хамцу селвлцән болв. Терүнд ЮФО-н баһчудын парламентсин Ассоциац бүрдәлһнә төр хәләгдв. Дорҗин Санл таңһчин баһчудын парламентин үүлдврин тускар келҗ өгәд, кеҗ-күцәсн көдлмшин аш диглв. Селвлцәнд орлцачнр нөкцҗ хамдан үүлдхин туст үгцәд, бат залһлда делгрүлх болв.
ДООҖАН Наталья