Малын хот белдлһнә төрәр

Шидр таңһчин селәнә эдл-ахун министрин үүл дааҗадг Гаван Тимур Хар Һазра района «Ставропольский» МУП-д одад, услврин һазрмудыг усар теткҗәдг көдлмш бүрткв. Эн җил бүрдәц дала көк өвс авхар зуралҗана.
Услврин һазриг усар теткәд һазриг норһад, малын хотын бат ул тогталһна көдлмш кенә. Усар тетклһнә инженерн сурвлҗн мана таңһчд 1960 җиләс авн 1980 җил күртл тосхгдсн болдг. Сарпан болн Хар Һазра усна тогталмуд бас усна булгнь болҗана.
2024 җилин чилгчәр Хальмг Таңһчин Толһач Хаска Бату мал өсклһиг делгрүллһнә халхар өргн селвлцә давулсн билә. Терүнә йовудт таңһчин селәнә эдл-ахун министерствд малын хот белдлһнә туст онц даалһвр өгсн билә.
Терүнәс иштә 2025 җилин зураһар 20 миңһн шаху гектар аһу эзлҗәдг услврин һазриг усар теткхәр зуралҗана. Тер мет эн кергт 60 сай һурвлҗн метр усн керглгдҗәнә.
– Җил болһн таңһчин 80 шаху услврин һазрт 25 миңһн тонн өвс белднә. Өвсн сәәнәр урһхин төлә тәрәнә һазриг бас ясх кергтә. Таңһчин Толһач Хаска Батун даалһсар шаңһас йилһдсн демин мөңгиг малын хотын белдлһнд олзлхвидн, – гиҗ Тимур Сергеевич темдглв.

ОЛЬДАН Цаһан