Максим Боровойла харһв

Шидр таңһчин селәнә эдл-ахун министрин үүл дааҗадг Гаван Тимур Әрәсән селәнә эдл-ахун министрин дарук Максим Боровойла харһҗ күүндв.

Харһлтын йовудт Тимур Сергеевич таңһчд селәнә эдл-ахун һазрин услврин төрәр тодрхаһар келв. Тер мет Хальмгин фермермүд ирлцңгү төсв күцәхәр белн бәәнә гиҗ эн зәңглв.
Күүндврин ашар 2025-2026 җилмүдт Көк теңгсин һазр услврин сурвлҗна ясврт 128 сай арслң йилһгдхмн гиҗ шиидгдв.
Терүнәс нань Сарпан һазр услврин сурвлҗна тоод ордг хойр станц, электрокүчнә кергсл ясгдхмн. Эн көдлмшт 97 сай арслң һарһгдхмн.
– Хальмг Таңһчин Толһач Хаска Батун даалһврар малд хот кеҗ һарһлһна төрт онц оньг өггдҗәнә. Һазр услврин төр онц бүртклһнд бәәнә. Мана таңһчд оньган өгч дөңгән күргсн Максим Боровойд ханлтан өргҗәнәв. Хамдан кергән күцәҗ, күслдән күрхәр зүткчәнәвидн, – гиҗ Тимур Сергеевич товчлв.
КАРСАНА Евгения