Бичкдүдт белгән илгәв

Луганск Улсин Республикин Антрацитовск районд «Елка желаний» гидг керг-үүлдврин медлд Хальмг Таңһчин Улсин Хуралын депутатнр белдсн белгүд цаарандан бәрүлҗ өггдҗәнә. Шидр Антрацитовск муниципальн округд Хальмг Таңһчин элч Шахана Андрей җирһлин күнд таалд туссн өрк-бүлмүдин бичкдүдт белгүд бәрүлв.

Таңһчин Улсин Хуралын депутатнрин бийән чикәр бәрлһнә комиссин гешүд Игорь Бойкод белгән өгүлв. Ксения Бойко бюджетин, алвна, өлг-эдин,экономическ политикин комитетин депутатнрин белг авв. Сурһуль-эрдмин, номин, сойлын, зәңгллһнә политикин, зуульчллһна болн спортын комитетин депутатнр Карилл Кармановд белг белдв. Зака үүдәлһнә, шаңһа тосхлтын, бәәрн залврин болн коррупциг гетллһнә болн өрк-бүлин, эрүл-менд харлһна, күч-көлснә болн социальн политикин комитетмүдин депутатнрин нерн деерәс Сеина болн Давид Омельчукд белгүд бәрүлв. Шахана Андрей бичкдүдлә харһад, таңһчин Улсин Хуралын депутатнрас халун менд келҗ эднд күцәмҗ дурдв.

ДООҖАН Наталья