«Баатрмуд 08» көтлврт орлцхар

«Баатрмуд 08» региональн көтлврт орлцхар 145 күн эрлһән орулсн бәәнә. Тедн дунд Әрәсән харслтын Министерствин цергчнр, олн зүсн ачлврар темдглгдсн Росгвардин болн МВД-н көдләчнр, теднә дунд Залу-зөргин орденәр ачлгдсн йисн күн мөн.
Тер мет цергә шишлң керг-үүлдвр давҗадг һазрт медицинск эгчәр көдлдг Багира дуудврта күүкн көтлврт орлцхан бас медүлв. Эн күүкд күн олн салдсмудын әм аврснь цуһар меднә, «Цергә йовудт йилһрсн төлә» гидг медаляр ачлгдв.
– Өдгә цагт СВО-д орлцачнр көтлврт орлцхин төлә эрлһән алс-зәәһин эв-арһар орулҗ чадҗана. Гертән хәрҗ ирхләнь сурһулян эклхмн. Шишлң сурһулян төгсәһәд, көдлмшч шин орм олхд күн болһнд тусан күргхмн. Селәнә эдл-ахун, шаңһа заллтын, промышленностин болн талдан халхст көдлхин төлә ормс йилһгдхмн. «Баатрмуд 08» көтлврин тускар тодрхаһар ирлцңгү каналд медҗ болна. Моһа сарин 27 күртл эрлһән орулҗ болна. Төрскн һазриннь делгрлтд тәвцән орулхар седхлә, «Баатрмуд 08» көтлврт орлцтн, – гиҗ таңһчин Толһач Хаска Бату темдглв.
ОЛЬДАН Цаһан