Нөкцлт батрулх күслтәһәр

Шидр Хальмг Таңһчин Улсин Хуралын (Парламентин) Ахлач Артем Михайлов ЛНР-ин Улсин Хүүвин депутат Олег Ковальла болн Луганск Улсин Республикин Антрацитовск районд Хальмг Таңһчин элч Шахана Андрейла (зургт) харһв.
Олег Коваль олна болн политическ үүлдәч, ЛНР-ин багшнрин профсоюзн ниицәг һардна. Улсин Хүүвин депутат законодательствин, шаңһа тосхлтын, бәәрн залврин комитетин ахлачин дарук болна.
Харһлтд депутатнрин үүлдврин, хойр региона экономическ болн социальн төрмүдин тускар күүндвр болв. Депутат мана таңһчар соньмсад, көдлмшин халхар ирв, тегәд регионмуд хоорнд сән залһлда батрулҗ нөкцҗ үүлдхин тускар үгцв. Хамцу үүлдвр болн нөкцлт олн зүсн төрмүд хаһллһнд, сурһуль-эрдмин, эрүл-менд харлһна чинр өөдлүллһнд туслх закадын седвәр татад, зака үүдәгч көдлмш ясруллһнд туста болх гиҗ күүндврт орлцачнр шиидв.