Цергчнрт дөңгән күргв

«Гео Мед» завод цергә даалһвр күцәҗ йовх нег һазра улсин төлә түрүн дөң күрглһнд керглгддг кегдлмүд йилһҗ өгәд, «За наших 08» гидг саңд буйнч седклин дөңгән күргв.
Шав авсн улст түрүн дөң күргҗ, әм аврлһнд эрк биш кергтә кегдлмүд цергчнрт күргҗ өггдв. Шарх-шав эд-бод кедг, цус зогсадг эв-арһс, шавтсн улсин төлә шишлң көнҗл болн нань чигн кегдлмүд цергә даалһвран күцәҗәдг улсин әм аврлһнд туслх гиҗ ицҗ, завод буйнч седклин кергт орлцв.
«Гео Мед» заводын кегдлмүд энтн медицинск йирин кегдл биш, энүг күүнә әм аврхд, цаглань түрүн дөң күргхд олзлна. Мана цергчнр әмән әрвллго дәәлдҗ йовх цагла бидн дөң-тусан күргҗ, олна кергт орлцх зөвтәвидн. Медицинск кегдлмүдәр теткдг деерән цергә шишлң керг-үүлдврт орлцачнрт күрәд, мана завод кеҗ һарһдг эв-арһс, көлгн күргҗ өгнәвидн. Бидн мана баатрмудла харһад, тедниг дөңнәд, цергә даалһвран үнн кевәр күцәхд урмд өгнәвидн», - гиҗ заводын коммерческ һардач Носона Санл келнә.
«За наших 08» гидг саң цергә шишлң керг-үүлдврт орлцҗадг нег һазра улс болн буйнч седклин кергт орлцҗ дөңгән күргдг улс хоорнд бат залһлда батрулҗ үүлднә. Таңһчин әмтн буйнч седклин керг-үүлдврмүдин седвәр татна. Олна дөңгәр мана цергчнр цуг кергтә тоотар теткгднә.
БАТАН Сәәхлә
ЗУРГТ: «Гео Мед» заводын коммерческ һардач Носона Санл медицинск кегдлмүд авч ирсн кем