Бамб цецгин наадм

Хаврин хамгин сәәхн цаг теегиг бамб цецгүдәр кеерүлв. Мөрн сарла таңһчд болдг сәәхн эн байрт орлцхар Хальмгт олн зуульчнр ирнә. Эн җил Бамб цецгин байр мөрн сарин 5-д эклҗәнә. Эн өдр таңһчд олн гиичнр ирҗәнә. Тедниг тосч авхдан цугнь белн. Байрин керг-үүлдврмүд бүкл сара хонгтан болад, терүнд хотл балһсна болн райодын әмтн цугтан орлцхмн.
Әмтн ирҗәх түрүн өдр мөрн сарин 5-д гиичнр болн бәәрн әмтн ик яармд одад, тенд темә болн мөр унҗ амрч чадҗана. «Иньгллт» паркд болх тер керг-үүлдврт ирсн әмтн яһҗ зург зурдгиг үзхмн. Эн өдр әмтн музейд, театрмудт одод, сойлын нань чигн керг-үүлдврт орлцҗ чадҗана.
Эн өдр асхар байрин ик концерт болхмн. Олн һазрас ирсн әмтн Хальмгин сойлла таньлдҗ, зуульчллһна цаг эклхмн. Бүкл сара хонгтан таңһчин тууҗла болн сойлла олн улсиг таньлдулх кесг керг-үүлдвр зуралгдсн бәәнә.
Бамб цецгин наадм цугтад байрта-бахмҗта болтха!

УШКАНА Сувсн