Һол закан мана җирһлиг йилһнә

Һучн негн җил хооран 1994 җилин мөрн сарин 5-д Хальмг Таңһчин «Теегин Йосна Бичг» (Конституц) батлгдла. Тернь мана таңһчин Һол закан болҗана.

Һол закаһар түшг кеҗ Хальмг Таңһчин экономик, сурһуль-эрдм болн нань чигн салвр йовудтаһар делгрҗәнә. Сүл җилмүдт әмтн бәәдг гермүд болн нань чигн бүрдәцс олар тосхгдҗана.
Тер мет хаалһ тосхлһн, сурһульмудын, сойлын гермүд шинрүллһн, арһлачнрин җисә делгрүллһн сән йовуд авчана. Таңһчин сурһульмудт, колледжмүдт шин эв-арһс өргнәр олзлдг болв.
Мал өсклһн мана таңһчин экономикин һоллгч халхнь болҗана, түүнә ул деер әмтнә бәәдл-җирһлин кемҗәг үзмҗтәһәр өөдлүлҗ, селән һазрт көдлмшч ормс бүрдәгдәд бәәнә. Тиим неквриг таңһчин Конституц бас тәвҗәнә.
Услврин һазрин аһу икдҗәнә, тиим кевәр селәнә эдл-ахун көдләчнр малын хот урһалһна кергиг өргҗүлхмн. Экономикин талдан чигн халхс делгрлт авчана. Тиим кевәр Конституцин һол некврлә ирлцҗ, әмтнә җирһл темдгтәһәр ясрҗана.
ТҮРВӘН Һуна